Við Foreldrafelagnum Sólarljós kunnu vit hjálpa og stuðla hvørjum øðrum at lætta um fyri børnini og okkum sjálv — í skúlahøpi og frítíðini, eisini eitt nú í mun til myndugleikar, heilsu- og almannaverk, felagsskapir og annað.
ĺ Foreldrafelagnum Sólarljós fara vit at arbeiða miðvíst við at vísa á ítøkiligar avbjóðingar men eisini at vísa til møguligar loysnir. Hetta ætla vit at gera ikki einans umvegis hesa heimasíðuna men eisini við hjálp av fundarvirksemi, brævaskifti, tíðindum og ymiskum tiltøkum. Vit ætla eisini at gera tað møguligt hjá okkara limum, umvegis hesa heimasíðu, at geva teimum ymisku skúlunum ummæli. So her er nógv spennandi ávegis.
